Кровни и земјени централи, on-grid и хибридни. Пресметка на принос, проект, монтажа и приклучок на мрежа – со еден изведувач од почеток до крај.
Главни и подразводни ормари, автоматика и компензација на реактивна енергија. Ги шемираме и испитуваме во работилница, па на терен само се поврзуваат.
Складирање на сопствената струја и автоматско префрлање при прекин на мрежата. Објектот останува под напон, без агрегат и без бучава.
Јака и слаба струја за нови објекти и реконструкции – од приклучок и мерно место, до последниот прекинувач и приклучница.
Прифатен систем, одводи и заземјувач со измерен отпор и издаден атест. Заштита што е пресметана, а не претпоставена.
Редовни прегледи, чистење на модулите, термографија и далечинско следење. Падот на производството го гледаме пред да го видите на сметката.
Излегуваме на лице место: го гледаме кровот, ормарот и мерното место, и ги земаме сметките за последните 12 месеци.
Го димензионираме системот според вистинската потрошувачка и ви даваме принос по месеци и период на враќање – во бројки.
Изготвуваме техничка документација и ги подготвуваме пријавите, барањата и сета документација за приклучок.
Работиме со сопствен тим и опрема. Договорениот термин е термин, а не оквирна проценка.
Испитување, атест и предавање на документацијата. Ве учиме како да го читате производството од телефон.
Системот го следиме и по фактурата. Ако производството падне под очекуваното, ние се јавуваме први.
Ни претставува чест да соработуваме со клиенти кои бараат повеќе од стандардното решение.
